Conserva me Domine. (15-16).

Conserva me Domine. (15-16).
Conserva me Domine. - Les sints, c' est bén, mins i våt mia priyî l' Bon Diu ki les sints. - Li ravicaedje do Crisse.

Wårdez-m', SIGNEUR, * la ki c' est sor vos ki dj' m' a agrancî.

Dj' a dit å SIGNEUR: vos estoz mi Signeur; + ås sints di s' payis, * c' est dins zels ki vos avoz fwait les mervêyes ki vos av' volou.

I gn a bråmint des sofrixhances po les cias * ki s' ratchesnut après zels.

Dji n' irè nén a leus raploûs ewou k' on fwait cori l' sonk, * et dji n' dirè nerén leu no avou mes lepes.

SIGNEUR, mi pårt d' eritaedje et m' cålice, * dji conte so voste eritance.

Dj' a yeu m' pårt avou les djins d' foice, * la k' mi eritance est foite.

Dji benixhe li SIGNEUR, ki m' fwait suti, * mins co disk' al nute mes rnos m' el apûdnut.

Dj' a veyou li Signeur padvant mi ttafwait, * la k' il est a m' droete, po nén ki dji m' scheujhe.

Po çoula dj' a m' cour ki crexhe + et dj' leve mi linwe å hôt, * minme ki m' tchår s' adjisterè et sperer;

La ki vos n' leyroz nén å resse mi åme ås Zivercôfs, * nerén leyî soker vosse croeyant.

Vos m' avoz ecsegnî les voyes po viker; + vos m' impliroz d' djoye padvant vos ouys; * po k' dji m' rafyeye a vosse droete po todi.
[ Ajouter un commentaire ] [ Aucun commentaire ]
# Posté le dimanche 22 juillet 2007 20:47
Modifié le lundi 23 juillet 2007 18:51

Exaudi Domine. (16-17).

Exaudi Domine. (16-17).
Exaudi Domine. - Les voyes do Bon Diu et do schapaedje.

SIGNEUR, oyoz a cwè ki dj' a droet, + fijhoz asteme a mi dmande, * schoûtez m' priyire, la ki dj' n' a pont d' lepe hagnante.

Fijhoz-m' djustice padvant vos; * ki mes ouys voeynuxhe l' abondroet.

Vos avoz spelî m' cour; al nute vos m' avoz spepyî et rosti å feu, * si n' trover pont d' toirt å dvins d' mi.

Po ki m' boke ni djåze nén des afwaires des djins, * po wårder les paroles di vos lepes, dj' a roté so les bassès voyes.

Apontîz mes voyaedjes avå vos strêyes, * po nén k' on mi schoye e voyaedje...
[ Ajouter un commentaire ] [ Aucun commentaire ]
# Posté le lundi 23 juillet 2007 18:57
Modifié le lundi 23 juillet 2007 19:07